Ya ta na cái "Báles de Rabia", GOMERU

Ya ta na cái "Báles de Rabia", maqueta compuesta de 9 cancios enllenos de rabia. El preciu d’esta ye de 5 € de los cuales 1€ dirá destináu a la campaña de sofitu y defensa del nuesu compañeru antifacista Fernando G. acusáu de terrorismu poles Fuercies de Seguranza del Estau. La maqueta sedrá distribuida nos conciertos del grupu y por agora, ceo pondremos otros llugares de venta.

Gomeru, hestoria: Gomeru ñaz n’Uvieu por Ochobre’l 2004, cenciellamente entáma como un grupu de collacios del institutu que s’axunten pa tocar, Toño y Anaél a les 6 cuerdes, "Banzi" a les 4 y "Rubio" na batería. Sólo Toño y Anaél tenien dáo dalguna clase de guitarra, "Rubio" y "Banzi" encomencipiaben. Ensáyen nos llocales d’Otero onde sáquen dalguna versión, pero falta la voz del grupu y ye entós cuando apaéz Hugo pa da-yla. Siguin ensayando y asoléyen los primeros cancios del grupu, ente ellos una adaptación de "Pennywise". Daquella xurde el so primer conciertu, sedría nel "Institutu Leopoldo Alas Clarín", al poco dan otru conciertu nel "Pub Zimmerman" afitando a la casa okupa de Moréa. Asina siguin, dando conciertos y sáquen nuevos temes, pero "Banzi" tién que dexar el baxu por mor d’una mancadura y de sopítu el grupu alcuéntrase ensin baxista, un collaciu del grupu sedría la igua, Pablo merca un baxu y entáma a tocálo, esto sedría ya pol 2005, al poco el grupu entra a grabar una demo nos mesmos llocales d’Otero onde puén grabar cuatro temes sólo por trenta euros. Los temes a grabar son "Tuerques y torniellos", "Dos sieglos de llucha", "La causa" (unicu tema en castellán) y "Oficialidá". La demo sal col nome de "Griesca na cái" . Al sacar a la venta esta maketa autoeditada por sólo euro y mediu nun saquen un res de ganancia, tienen inclusive que poner perres del so bolsu pa la edición. La maketa fáe que’l grupu entáme a ser conocíu y los conciertos asocedense per Uviéu, La Pola (L.lena) ó Lluanco. Nel 2006 entren a grabar una versión de "La Polla Records" pa un tributu de bandes asturianes a estos grandes del punk, escueyen ente los temes que quedáben el de "La futbolera". El grupu nesi añu ya tá carauterizáu por facer Rock Radical Astur, pero pa ello fáe falta una gaita, y ye entós cuando atópen a Carlos qu’entra nesta hestoria nun sólo pa dar esi toque de gaita que faltaba nel grupu, sinon tamién pa inxertar un saxu. Poco dempués Pablo tien que dexar el grupu por problemes de tiempu y nel so llugar entraría Palcio, y poco más tarde Anaél dexa’l grupu por discrepancies musicales y nel so llugar entra Chupa. Agora mesmu el grupu ensaya nuna vieya panadería en "San Esteban" y acaban d’asoleyar la so segunda maqueta "Báles de Rabia" compuesta de 9 temes. El grupu tién una ñidia referencia en "Dixebra", pero dexa influenciase por grupos como "Negu Gorriak", "Rage Against the Machine" o "Inadaptats".

Independencia y Socialismu