30 trabayadores d´una empresa vidriu de Cualloto enzarraos por impagu.

Protesten polos continuos impagos por parte la compañia, l´enzarru entama güei y sedra indefiniu.

Más de trenta trabayadores de la empresa Vidrios e Industrias Martín S.L. decidieron enzarrase esta mañana nes instalaciones de la compañía, na carretera de Viella, en Cualloto (Uvieu).

Tratase d´una midía de protesta por los reiteraos impagos de la empresa facia los operarios.
L´enzarru ye indefiniu y los trabayadores lu mantendrán hasta que los responsables de la empresa accedan a dialogar.

La empresa, que tien n´actualidad 48 trabayadores en plantilla, alcuentrase en fas de concursu d´acreedores y, amás, tien en marcha un espediente de regulación d´empleu sigún informaron dende los sindicatos.